close
 
Name:*  
Email:*   
  
Message:*   
FEEDBACK  /
LOGIN /
 
 
*mandatory fields are marked with an asterisk
Name:*  
Password:*  
Verify Password:*  
E-mail ID:* ?    
Contact Number:
Address:
Pincode:
Are you human?

 
 
SIGN UP
You are here:  Skip Navigation LinksHome » Articles » Show Article
Jisu Ke Abhishek Kora
Khosa Neihu.  :  May/08/2017 06:38:PM
Print  Text Size

JOHN : 12
(Mat 26: 6-13, Mark 14:3-9)
1 Tetia Nistar hobole choe din agote Jisu Bethany te jun ke Tai mora pora jinda kori dia, Lazarus thaka te ahhise.
2 Taikhan Tai karone raati laga bhojan taiyar kori dise, aru Martha seva korise, kintu Tar logot bohhi khowa te Lazarus bhi ejon ase.
3 Tetia Mary to jatamansi adha ser bisi daam itra tel ani kene Jisu bhori te lagaai dise, aru tarr nijor chuli pora Tar bhori ke mussi dise, aru itra tel sugandh pora pura ghor te bhorta hoise.
4 Kintu Tar chela te ejon naam Iscariot Judas, Simon laga putro jun Taike thokabole ase, koise.
5 "Eitu itra tel tin sou dinar pora bikai kene kele dukhia khan ke dia nae?"
6 Tai eitu dukhia khan ke chinta karone koa nohoe, kintu tai chor asele, aru taikhan laga poisa jhola bhi tar logot ase, aru tate ji haalibo tai heitu ke ulaai kene loi loe.
7 Tetia Jisu koise,"Taeke chharibi; Ami ke moidam dia din karone taeke koribo dibi.
8 "Kelemane dukhia khan tumar logot hodai thakibo, kintu Moi tumar logot hodai na thakibo." Lazarus Ke Morai Dibo Yojna
9 Yahudi khan bisi manuh janise, je Jisu tate ase buli, aru taikhan khali Jisu karne ahha nohoe, kintu jun ke Tai mora pora jilaai loise heitu Lazarus ke bhi sabole ahhise.
10 Kintu prodhan purohit khan Lazarus ke bhi morai dibo yojna bonaise,
11 kelemane Yahudi khan bisi manuh tar karne jaai jaise, aru Jisu ke biswas kori loise.
12 Dusra din parb te ahha khan bisi manuh Jisu Jerusalem te ahhi ase eitu hunise,
13 Taikhan khajur gos laga daal loi Taike log koribole ahhise: "Hosanna! ''Dhoinyo jun Probhu naam te ahhise! ''Israel laga Rajaa!"
14 Tetia Jisu eta gadha bachcha paai kene heitu te bohhi jaise; heitu jeneka likha ase:
15 "Bhoi no koribi, Zion laga soali; Sabi, tumar Rajaa gadha bachcha te bohhi kene ahhi ase."
16 Prothom te Tar chela khan bujhibo paria nae, kintu jetia Tar mohima hunise to taikhan yaad ahhise, eitu Tar bikhoi te likha ase, taikhan Taike teneka korise.
17 Tetia jun manuh heitu somoi Tar logot asele, taikhan gawahi dise, je Tai Lazarus ke kobr pora mati kene mrityu pora jinda kori loise buli.
To be continued….



 
 
 
 
First Prize Winner of the Week Drawings of the Week